အခန်း(၆) အနတ္တ၀ါဒ

အခန်း(၆)

အနတ္တ၀ါဒ

‘‘အရှင်ဂေါတမ၊ဒုက္ခကိုမိမိသည် ပြုပါသလော’’

‘‘အို..ကဿပ၊မိမိသည် ဒုက္ခကိုပြုသည်ဟူ၍ မဆိုသင့်’’

‘‘ဒုက္ခကို သူတစ်ပါးသည် ပြုပါသလော’’

‘‘သူ တစ်ပါးသည် ဟူ၍လည်း မဆိုသင့်’’

‘‘ဒုက္ခကို မိမိသည်လည်းပြုသည် ၊ သူတစ်ပါးသည်လည်းပြုသည် ဟူ၍ ဆိုအပ်ပါသလော’’

‘‘ထိုသို့လည်း မဆိုသင့်’’

‘‘သို့ဖြစ်လျှင်……’’

(နိဒါနသံယုတ်၊တိမ္ဗရုကပရိဗ္ဗာဇကသုတ်)


(က)ပိဋကတ်နှင့်အခြားစာပေများမှ အနတ္တ၀ါဒ
ဗုဒ္ဓအလိုအားဖြင့်အနိစ္စ၊ဒုက္ခနှင့်အနတ္တ(၀ါ)မမြဲခြင်း၊ဆင်းရဲခြင်းနှင့်မြဲသောအတ္တမရှိခြင်းသည်သင်္ခါရတရားအားလုံး၏ထင်ရှားသော

လက္ခဏာသုံးပါးဖြစ်၏။ယင်းတို့တွင်အနိစ္စကိုရှေးဦးပထမပြဆိုထားခြင်းမှာအနိစ္စလက္ခဏာ၌အခြားလက္ခဏာနှစ်ပါးပါဝင်ပြီးဖြစ်

သောကြောင့်ဖြစ်၏။သင်္ခါရတရားတို့သည်မမြဲသောကြောင့်အမာခံဓာတ်အတ္တကင်းလျှက်ဖောက်ပြန်ပျက်စီးကြရ၏

လူသတ္တ၀ါ၏ခန္ဓာငါးပါးရုပ်နာမ်တရားတို့သည် ခဏမစဲ အမြဲပြောင်းလဲလျက်ရှိ၏ ။ ရုပ်တရားထက် နာမ်တရားက

ပြောင်းလဲဖြစ်ပျက်မှုများစွာပိုမိုလျင်မြန်၏။စိတ်တို့သည်မျက်စိတမှိတ်လျှက်တစ်ပြက်အတွင်း၌မရပ်မနားတဖွားဖွားဖြစ်ပေါ်

ချုပ်ပျောက်လျှက်ရှိ၏။ဤသို့စကြာဝဠာနှင့်လူတို့ကိုစိုးမိုးနေသောအနိစ္စတရားကို နက်နက်နဲနဲ မသိမြင်ပါက

ဗုဒ္ဓတရားကိုကောင်းစွာနားလည်မည်မဟုတ်ချေ။

‘‘အကြင်သူသည်သဒ္ဒါစိတ်ဖြင့်ဘုရား၊တရား၊သံဃာကိုဆည်းကပ်ကိုးကွယ်၍သီလစောင့်

ထိန်းကာမေတ္တာပွားများစေကာမူထိုသူသည်အနိစ္စတရားကိုခေတ္တခဏမျှသိမြင်နားလည်လျှင်လည်းပိုမိုအကျိုးရှိမည်ဖြစ်၏။’’

(အဂုင်္တ္တရနိကာယ်)။

‘‘ခန္ဓာငါးပါး၏အဖြစ်အပျက်ကိုမရှူမြင်ပဲအနှစ်တရာအသက်ရှည်ခြင်းထက်ကောင်းစွာဆင်ခြင်ရှူမြင်၍တစ်ရက်မျှအသက်ရှည်ခြင်း

သည်သာ၍မြတ်၏ ။’’(ဓမ္မပဒ၊ဂါထာ-၁၁၃)

‘‘အနိစ္စသညာကောင်းစွာထင်ရှားသောသူအားအနတ္တသညာသည်အလိုလိုထင်ပေါ်၍တည်လာ၏’’

(ဥဒါန်းပါဠိတော်နှင့့််အင်္ဂုတ္တရနိကာယ်၊န၀ကနိပါတ်-မေဃိသုတ်)။

သင်္ခါရတရားအားလုံး၏မမြဲသောသဘောကိုသိမြင်သောသူအဖို့အနတ္တတရားကိုသိမြင်ရန်များစွာ မခဲယဉ်းချေ။ သို့ရာတွင်

အနတ္တ၀ါဒသည်ဗုဒ္ဓဓမ္မ၏ပဓာနအချုပ်အခြားတရားဖြစ်၍ ဗုဒ္ဓ၀ါဒီတို့အဖို့ အလွန်အရေးကြီး၏ ။ စင်စစ် အနတ္တတရားသည်

အခြားကမ္ဘာဘာသာဝါဒများတွင်မတွေ့ရသောဗုဒ္ဓဓမ္မ၏၀ိသေသဂုဏ်ဖြစ်၍ကမ္ဘာဘာသာအယူဝါဒသမိုင်း၌ဗုဒ္ဓတစ်ဦးတည်းသော

အလေးအနက်ဟောကြားသောတရားဖြစ်၏ ။

သို့ဖြစ်စေကာမူအနတ္တတရားကိုခြေခြေမြစ်မြစ်နားလည်ရန်သော်လည်းကောင်း၊နားလည်သည်ဆိုစေစွဲစွဲမြဲမြဲလက်ခံ

ယုံကြည်ရန်သော်လည်းကောင်းများစွာမလွယ်ကူချေ။မြန်မာဗုဒ္ဓ၀ါဒီတို့သည်အများအားဖြင့်အနတ္တတရားကိုနားလည်ကြသော်

လည်း၊အချို့သောမြန်မာဘာသာရေးအယူများသည်အနတ္တ၀ါဒနှင့်ဆန့်ကျင်နေ၍အနတ္တတရားများကိုခံယူချက်မှာအပေါ်ယံမျှ

အကာမျှသာဖြစ်၏ ။ဤသို့ဖြစ်ခြင်းသည် အံ့သြစရာမရှိချေ။ ပိဋကတ်စာပေကို နှံ့နှံ့စပ်စပ် လေ့လာခဲ့သော အချို့ သော

အနောက်နိုင်ငံပညာရှင်များပင်အနတ္တ၀ါဒကိုမနှစ်သက်သောကြောင့်ဗုဒ္ဓ၀ါဒအစစ်အမှန်မဟုတ်လေဟန်စွပ်စွဲရေးသားကြ၏။

သို့ဖြစ်၍အနတ္တ၀ါဒနှင့်ပတ်သက်သော ပိဋကတ်ပါဠိတော်များအပေါ်စေ့ငုသေချာစွာ လေ့လာရန်လိုအပ်လှပေ၏ ။

ဗုဒ္ဓမပေါ်မီကအတ္တအယူဝါဒများအကြောင်းကိုအခန်း(၃)၌ အနည်းငယ်ဖော်ပြခဲ့ပေပြီ။အတ္တသဒ္ဒါကို ရှေးအကျဆုံး

ဝေဒကျမ်းများ၌တွေ့ရ၏။အတ္တသည်မူလပထမက‘အသက်’ဟူသောအနက်ကိုဟော၏။ရှေးဥပနိသျှဆရာတို့၏အဆိုအားဖြင့်

အတ္တသည် မူလပထမက နှလုံးအိမ်ထဲ၌ တည်ရှိ၍တစ်ရာ့တစ်ခုသောလမ်းများဖြင့် အပြင်သို့ထွက်နိုင်၏။ ဦးခေါင်းထိပ်ရှိ

လမ်းကြောင်းများမှထွက်လျှင်အမတထာဝရဘုံသို့ရောက်၏။နောက်ပေါ်ဥပနိသျှကျမ်းများ၌မူအတ္တသည်သက်ရှိသက်မဲ့အားလုံး၏

မူလအနှစ်ပရမတ်ဓာတ်အစစ်ဖြစ်၏။တစ်နည်းအားဖြင့်အတ္တသည်လူတို့အားအကောင်းအဆိုးခွဲခြား၍သိရှိနားလည်စေသော၊

အမြင့်မြတ်ဆုံးအဖြစ်သို့ရောက်ရှိစေနိုင်သောသတ္တိမျိုးဖြစ်စေ၏။ကိန်းဝပ်ရာနိစ္စဓူဝအသင်္ခတအမတဓာတ်ကြီးအစစ်ဖြစ်၏။

ထို့ကြောင့်ဥပနိသျှကျမ်းဆရာတို့၏အလိုအားဖြင့်လူသည်သင်္ခါရတရားတို့၏နောက်ကွယ်ရှိအတ္တကို

သိမြင်နားလည်ရန်အရေးကြီး၏။‘‘ပြောသောစကား၊မြင်သောအရာ၊ပြုသောအမူ၊စိတ်၌ဖြစ်ပေါ်လာသောအကြံအစည်စသည်တို့

အကြောင်းကိုဘာမျှတွေးတောကြံစည်ခြင်းမပြုအပ်။ပြောသောသူ၊မြင်သောသူ၊ပြုသောသူ၊ကြံစည်သောသူ(တစ်နည်းအားဖြင့်

အတ္တကို)သာလျှင် အမှန်အတိုင်းသိမြင်ရန်၊အားထုတ်အပ်သည်ဟု ဥပနိသျှကျမ်းတစ်စောင်က ဆိုထား၏ ။

ဤဥပနိသျှလာအတ္တအယူများကိုပိဋကတ်စာပေ၌အလျှင်းမတွေ့ရချေ။အတ္တကိုပယ်သောပါဠိတော်များကိုကားအမြောက်

အများပြဆိုထား၏။အထင်ရှားဆုံးမှာဘုရားဖြစ်ပြီးနောက်ပဉ္စ၀ဂ္ဂီငါးပါးအားဒုတိယအကြိမ်မြောက်ဗုဒ္ဓဟောအနတ္တလက္ခဏာ

သုတ်ဖြစ်၏။

‘‘ရဟန်းတို့ ၊ခန္ဓာငါးပါးသည် အတ္တမဟုတ်၊အတ္တမဟုတ်သောကြောင့် နာကျင်ခြင်းဖြစ်၏ ။ငါ၏ခန္ဓာငါးပါးသည် ဤသို့

ဖြစ်စေ၊ဤသို့မဖြစ်စေသတည်းဟုတ်စီရင်၍မရအပ်။ခန္ဓာငါးပါးသည်မမြဲ။မမြဲသော၊ဆင်းရဲသော၊ဖေါက်ပြန်တတ်သောခန္ဓာငါးပါး

ကိုဤဟာသည်ငါ့ဥစ္စာဖြစ်၏။ငါဖြစ်၏။ငါ၏အတ္တတည်းဟု မရှူအပ်။

အတိတ်၊အနာဂတ်၊ပစ္စုပ္ပန်အတွင်းအပြင်၊အကြမ်းအနုအယုတ်အမြတ်၊အဝေးအနီးဖြစ်သောအလုံးစုံသောခန္ဓာငါးပါးသည်

ငါ့၏ဥစ္စာမဟုတ်။ငါမဟုတ်။ငါ၏အတ္တမဟုတ်ဟုဟုတ်မှန်

သည့်အတိုင်း ကောင်းသောပညာဖြင့် ရှူအပ်၏ ။’’(၀ိနည်းပိဋကတ်၊မဟာဝဂ်)

အနတ္တလက္ခဏာသုတ်နှင့်အနက်အဓိပ္ပါယ်တူသောသုတ်များကို

ပထမနိကာယ်လေးကျမ်း၌ထပ်တလဲလဲဖော်ပြထား၏။

အချို့သုတ္တန်ဒေသနာများ၌မူခန္ဓာငါးပါးသည်အတ္တမဟုတ်သောကြောင့်ပုဂ္ဂိုလ်သတ္တ၀ါကိုခန္ဓာငါးပါး၌ရှာ၍မရအပ်ဟူ၍လာ၏

‘‘အို အနုရာဓ ၊ ခန္ဓာငါးပါးကို သတ္တ၀ါဟု မရှုအပ် ။ခန္ဓာငါးပါး၌ သတ္တ၀ါသည်မရှိ။ သတ္တ၀ါသည် ခန္ဓာငါးပါး

မှတစ်ပါးဖြစ်၏

ဟူ၍မရှုအပ်။ဤသို့ဖြင့်သင်သည်မျက်မှောက်ထင်ပင်လျှင်သတ္တ၀ါဟူသည်ကိုမှန်သောအားဖြင့်၊ဟုတ်သောအားဖြင့်မရအပ်။’’

(သုံယုတ္တနိကာယ်၊အဗျာကတသံယုတ်၊အနုရောဓတ္ထေသုတ်)။

‘‘ရဟန္တာသည်ခန္ဓာငါးပါးကိုသုံးပါးသောပရိညာဖြင့်ပိုင်းခြား၍သိသောကြောင့်ပုဂ္ဂိုလ်သတ္တ၀ါမသိမမြင်’’

(သဂါထာဝဂ္ဂသံယုတ်၊သမိဒ္ဓိသုတ်)။

‘‘စောင်းကိုအစိတ်တစ်ရာခွဲ၍အစိတ်စိတ်အတုံးတုံးပြုသော်လည်းစောင့်သံကိုရှာ၍မရသကဲ့သုိ့ရဟန်းသည်ခန္ဓာငါးပါး၌ငါဟူ၍

လည်းကောင်း၊ငါ၏ဥစ္စာဟူ၍လည်းကောင်း၊ငါဖြစ်၏ဟူ၍လည်းကောင်းရှာ၍မတွေ့။’’

(သံဠာယတနသံယုတ်၊၀ီဏဥပမာသုတ်)


အချို့ သောပညာရှင်တို့က ဥပနိသျှကျမ်းလာ အတ္တ၀ါဒကို အတိအလင်း ရည်ညွှန်းဟန်တူသောသုတ္တန်တစ်ခုကို
ထောက်

ပြကြ၏ ။

‘‘မသင့်သောအားဖြင့် နှလုံးသွင်းသောသူအား ငါ၏ကိုယ်သည်ပြောဆိုစီရင်တတ်၏ ။ သိတတ်၊ခံစားတတ်၏ ။ကောင်းမှု

မကောင်းမှု၏အကျိုးကိုခံစားရ၏။အခါခပ်သိမ်းရှိ၏။ဖောက်ပြန်ခြင်းမရှိ။မြေကြီးမြင့်မိုရ်တောင်လနေတို့ကဲ့သို့အမြဲတည်သည်

ဟူသော အယူသည်ဖြစ်၏ ။’’

(မဇ္ဈိမနိကာယ်၊ သဗ္ဗာသ၀သံဝရသုတ်)

ခန္ဓာငါးပါး၌သော်လည်းကောင်း ၊ခန္ဓာငါးပါးကိုကြဉ်၍သော်လည်းကောင်း၊ပရမတ္တအားဖြင့် ပုဂ္ဂိုလ်သတ္တ၀ါ အတ္တဟူ၍မရှိ

သောကြောင့်လောကသည်သုညလောကဖြစ်သည်ဟုပိဋကတ်စာပေ၌ခေါ်ဆိုထား၏။

‘‘အာနန္ဒာ၊အကြင်ကြောင့်ငါဟူသောအတ္တသဘောမှလည်းကောင်း၊ငါ၏ဥစ္စာတည်းဟူသောအတ္တနိယသဘောမှလည်းကောင်း

ဆိတ်သုဉ်း၏။ ထို့ကြောင့် လောကသည် သုညတည်းဟူ၍ ဆိုအပ်၏ ’’

(သဠာယတနသံယုတ်၊သုညလောကသုတ်) ။

မောဂရာဇ၊သင်သည်ကိုယ်ဟုမှတ်ထင်စွဲလမ်းသောသက္ကာယဒိဌိကိုပယ်နိုင်ရန်အလို့ငှာလောကကိုဆိတ်သုဉ်းသောအားဖြင့်ရှုလော့။

(သုတ္တနိပါတ်၊ပါရာယန၀ဂ်၊မောဂရာဇ မာဏ၀ပုစ္ဆာ )

အနတ္တ၀ါဒအလိုအားဖြင့် ပုဂ္ဂိုလ်သတ္တ၀ါ အတ္တဆိတ်သုဉ်းသော သုညလောက၌ ဖြစ်ခြင်းပျက်ခြင်း(အနိစ္စ) သဘောတရား

သည်သာထင်ရှား၏။

‘‘ရဟန်းသည်၊သဘောတရားတို့၌ဖြစ်ကြောင်း၊ပျက်ကြောင်းတရားနှင့်ဖြစ်ခြင်း၊ပျက်ခြင်းသဘောကိုအကြိမ်ကြိမ်ရှုလေ့ရှိ၏။

သဘောတရားတို့သည်သာလျှင် ရှိကုန်သည်ဟုထိုရဟန်းအား သတိသည် ရှေးရှုထင်တတ်၏။ထိုရဟန်းသည်လောက၌

တစ်စုံတစ်ရာမျှကို ငါ၊ငါ၏ဥစ္စာဟူ၍ မစွဲလမ်းချေ။’’ (ဒီဃနီကာယ်၊မဟာသတိပဌာန်သုတ်)

သို့ဖြစ်၍ဗုဒ္ဓသည်သင်္ခါရဓမ္မတို့၏ဖြစ်ပျက်မှုကိုဟောရာ၌တွေ့ထိမှု၊ခံစားမှု၊တပ်မက်မှု၊တွယ်တာမှုစသောအကျိုးအကြောင်းအားဖြင့်

ဆက်စပ်ဖြစ်ပျက်မှု(ပဋိစသမုပ္ပာဒ်တရား)ကိုသာဟော၏။တွေ့ထိသောသူ၊ခံစားသောသူ၊တပ်မက်သောစသည်ဖြင့်ပုဂ္ဂိုလ်သတ္တ၀ါကို

ထည့်သွင်း၍ ဟောတော်မမူချေ။

‘‘အရှင်ဂေါတမ၊ဒုက္ခကိုမိမိသည် ပြုပါသလော’’

‘‘အို..ကဿပ၊မိမိသည် ဒုက္ခကိုပြုသည်ဟူ၍ မဆိုသင့်’’

‘‘ဒုက္ခကို သူတစ်ပါးသည် ပြုပါသလော’’

‘‘သူ တစ်ပါးသည် ဟူ၍လည်း မဆိုသင့်’’

‘‘ဒုက္ခကို မိမိသည်လည်းပြုသည် ၊ သူတစ်ပါးသည်လည်းပြုသည် ဟူ၍ ဆိုအပ်ပါသလော’’

‘‘ထိုသို့လည်း မဆိုသင့်’’

‘‘သို့ဖြစ်လျှင်ဒုက္ခကိုမိမိမပြု၊သူတစ်ပါးလည်းမပြုဘဲဒုက္ခသည်အကြောင်းမရှိဘဲအလိုအလျောက်ဖြစ်ပါသလော။

ဒုက္ခရှိပါလျက် အရှင်ဂေါတမသည် ဒုက္ခကို မသိမမြင်ပါသလော။ ’’

‘‘အို-ကဿပ၊ဒုက္ခသည်ရှိ၏။ဒုက္ခကိုငါသိမြင်၏။ဒုက္ခကို ထိုသူ ပြုသည်၊ထိုသူသည်ခံစားသည်ဟု အယူရှိခဲ့သော်

သဿတဒိဌိဖြစ်၏။ငါဘုရားသည်ထိုအစွန်းနှစ်ဖက်ကိုအလယ်အလတ်လမ်းဖြင့်ဟော၏။အ၀ိဇ္ဇာဟူသောအကြောင်း

ကြောင့်သင်္ခါရဖြစ်၏ ။သင်္ခါရကြောင့်……………………..’’

(နိဒါနသံယုတ်၊တိမ္ဗရုကပရိဗ္ဗာဇကသုတ်)

တိမ္ဗရုက ပရိဗိုဇ်က ချမ်းသာမှုဆင်းရဲမှုကို မိမိပြုပါသလော ဟုမေးရာ၌လည်း ဗုဒ္ဓကအထက်ပါအတိုင်း ဖြေတော်မူ၏ ။

(သံယုတ္တနိကာယ်၊နိဒါနသံယုတ်- တိမ္ဗရုက ပရိဗိုဇ်ကသုတ်)

အဝေလကဿပတက္ကတွန်းနှင့် တိမ္ဗရုက ပရိဗိုဇ်တို့သည် ခံစားတတ်သော ပြုတတ်သောအတ္တ ၊ပုဂ္ဂိုလ်သတ္တ၀ါသည်ရှိ

သည်ဟုယုံကြည်ကြသောကြောင့်ဗုဒ္ဓအားမေးမြန်းကြခြင်းဖြစ်၏။ဗုဒ္ဓလက်ထက်ကတိတ္ထိတက္ကတွန်းနှင့်ပရဗိုဇ်တို့သည်သာ

အတ္တအယူရှိကြသည်မဟုတ်။အတ္တဒိဌိမကင်းသောအချို့ ဗုဒ္ဓရဟန်းများလည်းရှိကြောင်း အောက်ပါစကားဖြင့် ထင်ရှား၏ ။

‘‘အရှင်မောဠိယဖဂ္ဂုနမထေရ်သည်ဗုဒ္ဓအား*အရှင်ဘုရားဝိညာဏအဟာရကိုအဘယ်သူသည်သုံးဆောင်စားသောက်ပါသနည်း*

ဟုမေးလျှောက်၏။ထိုအခါဗုဒ္ဓက*သင်၏အမေးသည်မသင့်လျော်ချေ။တစ်စုံတစ်ယောက်သောပုဂ္ဂိုလ်သတ္တ၀ါကသုံးဆောင်စား

သောက်သည်ဟုငါဘုရားမဟော။ငါဘုရားကိုအရှင်ဘုရား၊၀ိညာဏ်သည်အဘယ်၏တရားအကြောင်းဖြစ်ပါသနည်းဟုမေးရာ၏။

ဤအမေးပုစ္ဆာ၌၀ိညာဉ်သည်နောင်အဆက်ဆက်သောနာမ်ရုပ်၊သဠာယတနစသည်တို့ဖြစ်ခြင်း၏အကြောင်းဖြစ်သည်ဟူသော

အဖြေသည် သင့်လျော်သည်* ဟုမိန့်တော်မူ၏ ။(နိဒါနသံယုတ်၊မောဠိယဖဂ္ဂုနသုတ်)

သံယုတ္တနိကာယ်၌ ထိုနည်းနှင့်ဟောတော်မူသော ဒေသနာအမြောက်အများရှိ၏ ။

(ဆက်လက်ဖော်ပြပါမည်)

ကိုသုငယ်